வயிற்றுப் புழுக்களை நீக்கும் அகத்திக்கீரை கூட்டு

<p>அகத்திரிக்கீரையை வாரம் ஒருமுறை உணவில் சேர்த்து வந்தால், உடலில் உள்ள நஞ்சுகள் அனைத்தும் வெளியேறி, உடல் சுத்தமாகும். மேலும் வயிற்றில் பூச்சி இருந்தாலோ அல்லது புண் இருந்தாலோ உடனே போய்விடும்.</p><p>அத்தகைய மருத்துவ குணங்களைக் கொண்ட அகத்திக்கீரையை கூட்டு செய்து சாப்பிட்டால் மிகவும் சுவையாக இருக்கும். சரி, இப்போது அந்த அகத்திக்கீரை கூட்டு எப்படி செய்வதென்று பார்ப்போமா!!!</p>

<strong>தேவையான பொருட்கள்:</strong></p><p>அகத்திக்கீரை – 1 கட்டு<br>பாசிப்பருப்பு – 50 கிராம்<br>துருவிய தேங்காய் – 2 டேபிள் ஸ்பூன்<br>வரமிளகாய் – 3<br>கடுகு – 1 டீஸ்பூன்<br>உளுத்தம் பருப்பு – 1 டீஸ்பூன்<br>உப்பு – தேவையான அளவு<br>தேங்காய் எண்ணெய் – 1 டேபிள் ஸ்பூன்</p><p><strong>செய்முறை:</strong></p><p>முதலில் பாசிப்பருப்பை நீரில் 1 மணிநேரம் ஊற வைத்துக் கொள்ள வேண்டும்.</p><p>பின்னர் ஒரு வாணலியை அடுப்பில் வைத்து, அதில் எண்ணெய் ஊற்றி காய்ந்ததும், கடுகு, உளுத்தம் பருப்பு, வரமிளகாய் சேர்த்து தாளிக்க வேண்டும்.</p><p>பின் அதில் கீரையை போட்டு நன்கு கிளறி, பின் ஊற வைத்துள்ள பாசிப்பருப்பை கழுவிப் போட்டு நன்கு பிரட்டி விட வேண்டும்.</p><p>பிறகு அதில் தேவையான அளவு தண்ணீர் தெளித்து, மூடி வைத்து வேக வைக்க வேண்டும்.</p><p>கீரையானது நன்கு வெந்த பின், அதில் உப்பு மற்றும் துருவிய தேங்காயை சேர்த்து நன்கு கிளறி இறக்கினால், அகத்திக்கீரை கூட்டு ரெடி!!!</p>

Originally posted 2017-10-14 05:19:11. Republished by Tamil Medical Tips

Leave a Reply

Your email address will not be published. Required fields are marked *