ஓட்ஸ் அடை சாப்பிட்டதுண்டா

 
தேவையான பொருள்கள் :

புழுங்கல் அரிசி  – அரை கப்,
ஓட்ஸ் – அரை கப்,
துவரம்பருப்பு – அரை கப்,
பாசிப்பருப்பு – அரை கப்,
வெங்காயம் – 3,
காய்ந்த மிளகாய் – 4,
தேங்காய் துருவல் – ஒரு டேபிள்ஸ்பூன்,
கறிவேப்பிலை – சிறிதளவு,
எண்ணெய், உப்பு – தேவையான அளவு.

செய்முறை :

கறிவேப்பிலை, வெங்காயத்தை பொடியாக நறுக்கி கொள்ளவும்.

அரிசியை தனியாகவும், பருப்புகளை ஒன்று சேர்த்தும் 2 மணி நேரம் ஊற வைத்து, காய்ந்த மிளகாய், உப்பு சேர்த்து கொரகொரப்பாக அரைத்து கொள்ளவும்.

ஓட்ஸை அரை மணி நேரம் ஊற வைத்து இதனுடன் சேர்த்துக் கலந்து கொள்ளவேண்டும்.

வாணலியில் சிறிது எண்ணெய் விட்டு வெங்காயம், கறிவேப்பிலையை வதக்கி மாவில் சேர்க்க வேண்டும்.

அடுத்து அதில் தேங்காய் துருவல் சேர்த்து நன்கு கலக்கவும்.

தோசைக்கல்லை அடுப்பில் வைத்து மாவை ஊற்றி சுற்றி சிறிது எண்ணெய் ஊற்றி வெந்ததும் திருப்பி போட்டு வேக வைத்து எடுக்கவும்.

சூப்பரான ஓட்ஸ் அடை ரெடி.

Originally posted 2017-12-04 10:00:20. Republished by Tamil Medical Tips

Leave a Reply

Your email address will not be published. Required fields are marked *