வெஜிடபிள் கோதுமை ரவை கஞ்சி

தேவையான பொருட்கள் :

கோதுமை ரவை – 1 கப்,
தேங்காய்ப்பால் – 1 கப்,
பச்சைமிளகாய் – 2,
நறுக்கிய கேரட், பீன்ஸ், பட்டாணி – அரை கப்,
தண்ணீர், உப்பு – தேவையான அளவு,
கொத்தமல்லி – சிறிதளவு.

செய்முறை:

* கோதுமை ரவையை வெறும் கடாயில் போட்டு வறுத்து கொள்ளவும்.

* பாத்திரத்தில் சிறிதளவு தண்ணீர் ஊற்றி, அதில் நறுக்கிய காய்கறிகளைப் போட்டு, உப்பு, பச்சைமிளகாய் சேர்த்து வேக வைக்கவும்.

* அரை வேக்காடு வெந்ததும், அதில் தேங்காய்ப்பால் மற்றும் வறுத்த கோதுமை ரவையைச் சேர்த்துக் அடுப்பை மிதமான தீயில் வைத்து கொதிக்கவிட வேண்டும்.

* வெந்ததும், கொத்தமல்லித் தழையைத் தூவி இறக்கி பரிமாறவும்.

* சுவையான சத்தான வெஜிடபிள் கோதுமை ரவைக் கஞ்சி ரெடி.

பலன்கள்: சர்க்கரை நோயாளிகள் அடிக்கடி சாப்பிட்டுவர, சர்க்கரையின் அளவு கட்டுக்குள் இருக்கும். காய்கறிகள் சேர்வதால் தாதுக்கள், வைட்டமின்கள், நார்ச்சத்து கிடைக்கும்.

Originally posted 2016-03-29 05:48:42. Republished by Tamil Medical Tips

Leave a Reply

Your email address will not be published. Required fields are marked *